ល្ងាចនៃការអធិដ្ឋាន និងថ្វាយបង្គំនឹងជាពេលវេលាដែលលោកអ្នក ដកឃ្លាពីកិច្ចការងាររវល់ប្រចាំថ្ងៃរបស់លោកអ្នក ហើយចូលក្នុងព្រះវត្តមានព្រះជាម្ចាស់ ដើម្បីស្ដាប់ឮព្រះសូរសៀងព្រះជាម្ចាស់ សម្រាកក្នុងព្រះវត្តមានរបស់ព្រះអង្គ ទទួលកម្លាំងសាជាថ្មី និងទទួលនូវការស្ដារឡើងវិញក្នុងព្រលឹង និងវិញ្ញាណរបស់លោកអ្នក។ ជួបគ្នាថ្ងៃទី ០៣ ខែកញ្ញា ឆ្នាំ២០២៣ ម៉ោង ៥:៣០ល្ងាច នៅក្រុមជំនុំជីវិតថ្មីកម្ពុជា ផ្សារស្ទឹងមានជ័យថ្មី!
វេនថ្វាយបង្គំពិសេសរបស់យើងបានមកដល់ជាថ្មីម្ដងទៀតហើយ!
ពន្ធកិច្ចបុរសជីវិតថ្មី របស់ក្រុមជំនុំជីវិតថ្មី នឹងរៀបចំសិក្ខាសាលាមួយក្នុងខែ សីហា ខាងមុខនេះ គឺនៅថ្ងៃទី ៥ ខែសីហា ក្រោមប្រធានបទ “ទំនាក់ទំនងដែលមានសុខភាពល្អ” បង្រៀនដោយវាគ្មិនរបស់យើង ដែលលោកជា នាយកសមាគមព្រះគម្ពីរកម្ពុជា និងជាសមាជិកនៃក្រុមអភិបាលក្រុមជំនុំជីវិតថ្មីកម្ពុជា មួយរូបផងដែរគឺលោកគ្រូ ហេង ពិសិដ្ឋ។ លោកគ្រូមានបទពិសោធន៍ដឹកនាំពន្ធកិច្ចជាច្រើន នៅក្រុមជំនុំជីវិតថ្មីប្រកបដោយភាពជោគជ័យ ហើយលើសពីនេះលោកគ្រូក៏មានបទពិសោធន៍ក្នុងការបង្កើតទំនាក់ទំនង រក្សាទំនាក់ទំនងទាំងក្នុងរង្វង់ក្រុមការងារ ពន្ធកិច្ច គ្រួសារ និងសង្គម បានយ៉ាងល្អ។ដូចនេះ ពន្ធកិច្ចបុរសជីវិតថ្មីសូមគោរពអញ្ជើញលោកអ្នកបងប្អូនជាបុរសទាំងលោកអ្នកដែលនៅលីវទាំងលោកអ្នកដែលមានគ្រួសារហើយចូលរួមសិក្សា ស្វែងយល់ និងស្ដាប់ឮពីបទពិសោធន៍ល្អៗដែលលោកគ្រូបានឆ្លងកាត់ដើម្បីជាជំនួយក្នុងទំនាក់ទំនងរបស់លោកអ្នកក្នុងគ្រួសារ ការងារ និងសង្គមខាងក្រៅ។ […]
